پتوکی (نامہ نگار) شہر بھر میں کاروباری مراکز ،مارکیٹس اور اہم شاہرائوں پر بھکاریوں کی یلغار ، مسافروں اور راہگیروں سے زبردستی خیرات کی وصولی ، انکاری افراد کو سر عام بددعا ئیں ، پولیس خاموش تماشائی بن گئی۔ تفصیلات کے مطابق شہر بھر میں اہم کاروباری مراکز ،مارکیٹس،اہم سڑکوں اور چوراہوں پر مرد و خواتین بھکاریوں کی بڑی تعداد نے ڈیرے ڈال رکھے ہیں جو شاپنگ کیلئے آ نیوالوں اورسڑک پر ٹریفک جام کی وجہ سے رکنے والوں کے پیچھے پڑ جاتے ہیں اور کچھ لئے بغیر گلو خلاصی نہیں کرتے جبکہ خیرات نہ دینے والوں کو با آ واز بلند بد دعائیں دیتے نظر آ تے ہیں ۔شہریوں نے اعلیٰ حکام سے سخت نوٹس لینے کا مطالبہ کیا۔