ڈاکٹر اشفاق احمد ورک  کی ’’شریر خامہ‘‘ شائع 

 لاہور (کلچرل رپورٹر)  معروف استاد، کالم نگار، شاعر ادیب مصنف اور لاجواب و بے مثل مزاح نگار ڈاکٹر اشفاق احمد ورک کی نئی کتاب "شریر خامہ"شائع ہو کر مارکیٹ میں دستیاب ہے۔ یہ خوبصورت کتاب نامور اشاعتی ادار ے قلم فاونڈیشن انٹر نیشنل نے اپنے روایتی انداز میں شائع کی ہے۔ جس میں معیاری کا غذ مضبوط جلد بندی، عمدہ کتابت اور طباعت کا حسب روایت خیال رکھا گیا ہے۔ کتاب کا خوبصورت اور دلچسپ سرورق مصنف کی دخترنیک اختر نے بڑی مہارت سے بنایا ہے۔ ڈاکٹر اشفاق احمد ورک گزشتہ تین دہائیوں سے اس قدر معیاری مزاح تخلیق کر رہے ہیں کہ جمیل احمد عدیل نے ان کے بارے کتاب کے دیباچے میں لکھا کہ ،ادبی دنیا میں اس نام کو اب برینڈ (BRAND) کا درجہ حاصل ہے۔