لاہور(نامہ نگار)محکمہ پولیس میں تفتیشی معیار کوبہتر بنانے کیلئے اے ایس آئی سے انسپکٹر رینک کے 1935 افسران کنٹریکٹ پربھرتی کئے جائیں گے۔گزشتہ 5سال کے دوران ریٹائرڈ ہونے والے تفتیشی افسران کوکنٹریکٹ پربھرتی کیا جائیگا۔ لاہور میں 575 اے ایس آئی سے انسپکٹر رینک کے افسران کی بھرتیاں کی جائیں گی۔مراسلے میں کہا گیا کہ ریٹائرڈ افسران زیرتربیت افسران تفتیش کا معیار بہتر بنانے کیلئے کردار ادا کریں گے۔کنٹریکٹ پر بھرتی افسران کو ٹریننگ سنٹرز و پولیس لائنز میں تعینات کیا جائے،ریجنل سربراہان ریٹائرڈ افسران کے انٹرویو کرکے نام شارٹ لسٹ کریں۔شارٹ لسٹ افسران کا کوائف وریکارڈ کیلئے پرفارمہ بھی بھجوا دیا گیاہے۔ ریٹائرڈافسران کی بھرتیوں کیلئے رینک وائزوکیٹگریزکی فہرستیں بھی تمام ریجنزکوبھجوادی گئی ہیں۔صوبہ بھر کے تمام افسران کو 22اگست تک فہرستیں بھجوانے کی ہدایت کی گئی ہے۔