لاہور (نامہ نگار) ڈکیتی وچوری کی وارداتوں میں متعدد شہریوں سے لاکھوں روپے، زیورات، موبائل فون، موٹر سائیکلیں، گاڑیاں اور دیگر سامان لوٹ لیا گیا۔ ڈاکوؤں نے سبزہ زار  میں جنید کے گھر اہلخانہ کو گن پوائنٹ پر یرغمال بناکر 5لاکھ 73 ہزار روپے نقدی، زیورات، موبائل اور دیگر سامان، فیصل ٹاؤن میں فضل اور اس کی فیملی کو گن پوائنٹ پر یرغمال بنا کر 4 لاکھ روپے، زیورات اور موبائل فون، شیرا کوٹ  میں ریاض سے 3لاکھ 10 ہزار روپے،  موبائل فون، فیکٹری ایریا  میں شہباز سے2 لاکھ 5ہزار روپے اور موبائل فون، سندر میں سلمان سے 70ہزار اور موبائل فون، ہنجروال  میں عارف سے55ہزار، موبائل فون، مناواں  میں عمران سے41ہزار، موبائل فون،کیولری گراؤنڈ کے علاقے میں فخر سے 33ہزار روپے اور موبائل فون، قلعہ گجر سنگھ میں ذوالفقار سے 25ہزار موبائل فون، بادامی باغ میں اشفاق سے6ہزار روپے  موبائل فون لوٹ لیا اور فرار ہوگئے۔ چوروں نے ستوکتلہ  میں یعقوب کے گھر سے ڈھائی  لاکھ کا سامان چوری کر لیا۔ چوروں نے گلبرگ، اچھرہ اور ڈیفنس سے 3 گاڑیاں، لٹن روڈ میں سے رکشہ جبکہ ماڈل ٹاؤن، داتا دربار، نولکھا، شفیق آباد، مانگا منڈی، گجرپورہ، بھاٹی گیٹ،گلبرگ اور گڑھی شاہو  سے 9 موٹر سائیکلیں چوری کرلی ہیں۔