راولپنڈی (سٹاف رپورٹر)پاکستان سول ایوی ایشن نے منکی پاکس کی وجہ سے ائیرپورٹس پر سکریننگ کا عمل شروع کردیا ترجمان پی اے اے کے مطابق ائیرپورٹ مینیجر، ڈی جی ہیلتھ سندھ اور ڈائریکٹر ائیرپورٹ ہیلتھ سروسز نے بھی اس سلسلہ میں جناح انٹرنیشنل کا دورہ کیا،متعلقہ اعلی حکام نے جناح انٹرنیشنل پرانتظامات پر اطمینان کا اظہارکیا ائیرپورٹ انتظامیہ این سی او سی کی ہدایات پر عمل درآمد کو یقینی بنا رہی ہے،  بین الاقوامی پروازوں سے پاکستان آنے والے تمام مسافروں کی سکریننگ جاری ہے مشتبہ مسافروں کے لئے بارڈر ہیلتھ سروسز کا ائیسولیشن روم قائم ہے، ائیسولیشن روم میں مشتبہ مسافروں کی ٹریول ہسٹری اور علامات کا جائزہ لیا جاتا ہے، علامات کی صورت میں سیمپل پی سی آر ٹیسٹ کے لئے بھجوایا جاتا ہے۔