گوجرخان ( نامہ نگار)امام حسین کی حیات طیبہ مسلمانوں کیلئے مشعل راہ ہے میدان کربلا میں انہو ں نے دین کی سر بلندی کے لیے اپنا تمام گھرانہ قربا ن کیا اور عشق کی عظیم داستان رقم کر دی آپ دلیری بہا دری اور جوانمردی میں اپنی مثال آپ تھے انہوں نے جس بہادری سے باطل قوتوں سے ٹکر لے کر حق کا پرچم بلند کیا وہ تاریخ اسلامی کا درخشندہ باب ہے ان خیالات کا اظہار گوجرخان کے ممتازعالم دین مفتی سید ریحان حسین شاہ ہاشمی اورسید ندیم عباس بخاری نے مرکزی جامعہ مسجد شیخ عبدالحکیم حیاتسر روڈ میںمنعقدہ شہادت اما م حسین ؑ کی روح پرور محفل سے خطاب کرتے ہوئے کیا  تقریب میں امام مسجد حافظ سید علی ندیم نے قران پا ک کی تلاوت کی سعادت حاصل کی جبکہ قاری حسنین وار ثی شیخ  ابراہیم نے نعت و منقبت پیش کرنے کی سعا دت حاصل کی جبکہ تقریب کے اختتام پر صدر انتظامیہ مسجد حاجی شیخ خلیل نے تمام مہمانوں کا شکریہ ادا کیا۔