راولپنڈی(اپنے سٹاف رپورٹر سے)ایس ایس پی آپریشنز فلائٹ لیفٹیننٹ(ر)حافظ کامران اصغر کی زیر صدارت پولیس لائنز ہیڈ کوارٹرز میں میٹنگ کا انعقاد کیا گیا، میٹنگ میں محرر پولیس لائنز، تھانوں کے محرران، محرر ڈولفن سکواڈ سمیت دیگر افسران نے شرکت کی، ایس ایس پی آپریشنز نے پاکستان اور بنگلہ دیش کرکٹ میچز کے حوالے سے سیکورٹی و لاجسٹکس انتظامات کا جائزہ لیا، ایس ایس پی آپریشنزفلائٹ لیفٹیننٹ(ر)حافظ کامران اصغر کا کہنا تھاکہ پاک، بنگلہ دیش کرکٹ میچز کے دوران سیکورٹی کے موثر انتظامات کو ہمہ وقت یقینی بنانے کے لیے تمام اقدامات اْٹھائے جائیں گے، سیکورٹی ڈیوٹی پر تعینات نفری کو سیکورٹی پلان کے مطابق بروقت مامور کیا جائے گا، ڈیوٹی پر موجود افسران واہلکاروں کو پوائنٹ وائز ڈیوٹی کے متعلق بریف کیا جائے گا، پاک، بنگلہ دیش کرکٹ میچز کے دوران موثر اور فول پروف سیکورٹی انتظامات کو یقینی بنانے کے لیے تمام اقدامات کئے جائیں گے ۔