کمپیوٹراینیمیٹڈایکشن کامیڈی فلم" کنگ فُو پانڈا تھری" کا نیا ٹریلرجاری کر دیا گیا

ہالی ووڈ کی اینیمیٹڈ کنگ فو پانڈا سیریز کی تیسری فلم مداحوں کیلئے پیش کی جا رہی ہے ۔ فلم ایلزینڈرو کارلونی اور جینیفر یو نیلسن کی مشترکہ ہدایتکاری میں بنائی گئی ہے."کنگ فُو پانڈا تھری " کی کہانی گزشتہ حصوں کی طرح اس بار بھی مارشل آرٹس اور کنگ فُو کے ماہر ایک ایسے بہادر پانڈا کے گِرد گھوم رہی ہے  جو اپنے ساتھیوں کے ساتھ ملکر دشمنوں کا بہادری سے مقابلہ کرتا ہے  اورانہیں دھول چٹا دیتا ہے۔
فلم کے ڈائیلاگ ہالی ووڈ اداکارجیک بلیک، اینجلینا جولی ،جیکی چن، ڈسٹن ہوفمین اور برائن کرینسٹن کی آوازوں میں ریکارڈ کئے گئے ہیں۔
اینیمیٹیڈ ایکشن کامیڈی تھری ڈی فلم کو آئندہ برس 29جنوری کوسنیما گھروں میں نمائش کیلئے پیش کیا جائیگا۔