ترین کی نااہلی سے خوشی نہیں ہوئی، عمران خان لڈو کھاتے رہے: آفتاب شیرپاؤ

چارسدہ (این این آئی) قومی وطن پارٹی کے چیئرمین آفتاب احمد خان شیر پائو نے کہا ہے کہ عدالت سے تحریک انصاف کے سیکرٹری جنرل جہانگیر خان ترین کی نا اہلی سے خوشی نہیں ہوئی، جہانگیر ترین کی نااہلی پر عمران خان لڈو کھاتے رہے، سیاستدانوں کی نا اہلی عوامی عدالت میں ہونی چاہئے۔ چارسدہ کے علاقے کاترناب میں جلسے سے خطاب کرتے ہوئے آفتاب شیرپائو نے کہا کہ سپریم کورٹ سے جہانگیر ترین کی نا اہلی سے خوشی نہیں ہوئی، انہوں نے کہا کہ سیاستدانوں کی نا اہلی عوامی عدالت میں ہونی چاہئے۔ انہوں نے واضح کیا کہ قبل از انتخابات کیخلاف ہیں۔ وزارت عظمی کی کرسی آگے اور عمران خان پیچھے پیچھے بھاگ رہے ہیں۔