سمتھ بطور کپتان 14 ٹیسٹ سنچریاں بنا کر بریڈمین ‘ کلارک کے ہم پلہ ہو گئے

پرتھ ( سپورٹس ڈیسک ) آسٹریلیا کے سٹیون سمتھ بطور کپتان 14 ٹیسٹ سنچریاں بنا کر سابق ہم وطن بلے بازوں ڈان بریڈمین اور مائیکل کلارک کے ہم پلہ ہو گئے، سمتھ بحیثیت کپتان زیادہ ٹیسٹ سنچریاں بنانے والے مشترکہ طور پر چوتھے آسٹریلوی بلے باز بن گئے ہیں۔ انہوں نے انگلینڈ کے خلاف جاری تیسرے ایشز ٹیسٹ کی پہلی اننگز میں کیریئر بہترین 229 رنز کی ناقابل شکست اننگز کھیل کر کارنامہ انجام دیا۔ انہوں نے بطور پلیئر 22 ویں جبکہ بحیثیت قائد 14ویں سنچری بنائی۔ انہوں نے سابق ہم وطن بلے باز گریگ چیپل کا ریکارڈ توڑتے ہوئے بطور قائد زیادہ سنچریوں کا ڈان بریڈمین اور مائیکل کلارک کا ریکارڈ برابر کیا۔ بریڈمین اور کلارک نے چودہ، چودہ سنچریاں بنا رکھی تھیں، چیپل نے 13 سنچریاں بنا رکھی تھیں۔