لاہور (نمائندہ سپورٹس ) قومی کرکٹر محمد حفیظ کے باؤلنگ ایکشن کی درستگی کا پہلا رائونڈ مکمل ہوگیا۔ اس حوالے سے محمد حفیظ نے کہا ہے کہ وہ پروفیسر پال ہیرن ، بولنگ کوچ اظہر محمود اور کارل کرو کے بیحد مشکور ہیں کہ انہوںنے ان کو بائولنگ ایکشن درست کرانے میں مد د کی ۔ انہوںنے کہا کہ دوروزہ ریمیڈ یل کام کرانے پر تینوں کا مشکور ہوں ۔محمد حفیظ ماہرین سے بائولنگ ایکشن سے متعلق مشاورت کے بعد وطن واپس آرہے ہیں اور وہ نیشنل کرکٹ اکیڈمی میں اپنے بائولنگ ایکشن کی درستگی کیلئے مزید کام کرینگے۔