کراچی (اسپورٹس رپورٹر)کے سی سی اے زونIII’اے‘ ڈویثرن لیگ میں2میچز کے فیصلے ہوگئے۔نایاب اسپورٹس نے پاک انڈپینڈنٹ کو 25رنز سے مات دی۔ دوسرے میچ میں حسنین سی سی نے محمد حسین سی سی کو 44رنز سے شکست دی ۔ کے سی سی اے اسٹیڈیم پر حسنین سی سی168رنز پویلین لوٹ گئی۔ سلمان دوسانی نے 28،ایوب عمر نے 25، امجد حسین نے 19، کاشف حبیب نے 18اورراشد اسلم نے 13رنز بنائے۔ عرفان الدیناوراحسان حسین نے3,3 نقاش نے2اور جمشید یوسف اور محمد علی کے ہاتھ ایک ایک وکٹ لگی۔محمد حسین سی سی کی جوابی اننگز 124رنز پر تمام ہوگئی۔ منہاج احمد 40رنز کے ساتھ نمایاں بلے باز رہے عرفان الدین نے 17، جمشید یوسف نے 15اور عاقب رضوی نے 12رنز اسکورکئے۔ اصغر شاہ نے4طلحہ یوسف نے 3کھلاڑیوں کونشانہ بنایا۔ دوسرے میچ میں آر ایل سی اے (یوپی) پر نایاب اسپورٹس نے 5وکٹوں پر 275رنزبنائے۔ عابد ملک ایک رن کی کمی سے سنچری مکمل نہ کرسکے اور 99رنز بنا کر ناقابل شکست واپس آئے۔ محمد سہیل نے 59، جہانگیر خان نے 55، مقبول احمد نے 30اور محمد رمضان نے 14رنز جوڑے۔ عبدالحفیظ 2، فرحان احمد اور فہد الحق نے ایک ایک وکٹ لی۔پاک انڈپینڈنٹ سی سی مطلوبہ ہدف کے تعاقب میں 250رنز پر ہمت ہارگئی۔ثاقب خان 104رنز کی بھرپور مزاحمتی اننگز کھیلی۔ سنیل موہن نے 46، عمیر خان نے 39، فہد السعود نے 12رنز کی باری کھیلی۔ عابد ملک نے5عمر فاروق نے 3 مقبول احمد کے ہاتھ2وکٹ لگیں ۔