اظہرعلی کی باؤلر زکو پرفارمنس میں تسلسل لانے کی ہدایت

کراچی (اسپورٹس رپورٹر)قومی کپتان اظہر علی نے کراچی ٹیسٹ میں کھلاڑیوں سے مزید بہترین کارکردگی کی توقعات وابستہ کرلیں۔انہوں نے کہا کہ سری لنکا کیخلاف پہلے ٹیسٹ میں تمام کھلاڑیوں نے سو فیصد کارکردگی کا مظاہرہ کرنے کی کوشش کی۔ گزشتہ روزراولپنڈی کرکٹ سٹیڈیم میں میڈیا سے بات چیت کرتے ہوئے انہوں نے کہا کہ وہ عابد علی کو ڈیبیو پر سنچری سکور کرنے پر مبارکباد دیتے ہیں، وہ ایک اچھے کھلاڑی ہیں جو مستقبل میں پاکستان کیلئے مزید اچھی اننگز کھیلیں گے۔ انہوں نے کہا کہ میچ میں پاکستانی فاسٹ باؤلرز نے بہترین صلاحیتوں کا مظاہرہ کیا تاہم انہیں پرفارمنس میں تسلسل لانے کی ضرورت ہے۔ اظہر علی کے مطابق ہوم گراؤنڈ پر کھیلنے کا تجربہ بالکل الگ ہوتا ہے جس کیلئے وہ شائقین کا بھی شکریہ ادا کرتے ہیں کیونکہ ایسی سپورٹ گزشتہ ایک دہائی میں نہیں ملی۔