ٹریکٹر ٹرالی کی ٹکر سے چھپر گر گیا،3کمسن بہن بھائی جاں بحق،ایک زخمی

ڈیرہ غازی خان (بیورو رپورٹ) ٹریکٹرٹرالی کی ٹکر سے لکڑیوں سے بنا چھپر گرگیا ملبے تلے دب کر تین کمسن بہن ‘بھائی جاں بحق جبکہ ایک کوزخمی حالت میںہسپتال منتقل کر دیا گیاتفصیلات کے مطابق نواحی قصبہ جھوک یار شاہ میں ٹریکٹر کو ریورس کرتے ہوئے ڈرائیور کی لاپرواہی سے ٹریکٹر ٹرالی لکڑیوں کی بنی چھت سے ٹکراگئی اورسے چھپر کے نیچے بیٹھے چار کم سن بچے ملبے تلے دب گئے واقعہ کی اطلاع ملنے پر ریسکیو اہلکاروں نے موقع پر پہنچ کر امدادی کارروائیوں کے بعد تین بچوں کی لاشیں اور ایک بچے کو زخمی حالت میں نکال کراہسپتال منتقل کر دیا جاں بحق ہونے والوں میں 5سالہ ارسلان 5 سالہ اقراء بی بی  اور 3سالہ خدیجہ بی بی شامل ہیں بتایا جاتا ہے کہ جاں بحق ہونے والے بچے ڈرائیور کے بھتیجا بھتیجی تھے