یمن:فٹبال میچ جیتنے کی خوشی،ہوائی فائرنگ کے دوران 5افراد ہلاک‘100زخمی 

لاہور(سپورٹس ڈیسک)عرب ملک یمن میں فٹبال میچ جیتنے کی خوشی پر ہوائی فائرنگ کے دوران 5افراد زندگی کی بازی ہار گئے۔ یمن میں انڈر16کی ٹیم نے حریف سعودی عرب کی ٹیم کو زبردست میچ کے بعد شکست دی تھی جس کی خوشی میں یمنی حوثی باغیوں نے رات بھر گولیاں چلاتے ہوئے جشن منایا،اس دوران ہوائی فائرنگ سے علاقے میں کم از کم 5افرادہلاک ہوگئے جبکہ 100سے زائد زخمی ہیں جنہیں ہسپتال منتقل کردیا گیا ہے۔ یمن کی جونیئر فٹبال ٹیم نے افریقن چیمپئن شپ اپنے نام کرلی ہے۔