لاہور(سپورٹس ڈیسک ) آسٹریلوی کپتان پیٹ کمنز انگلینڈ کیخلاف ایڈیلیڈ میں ہونے والے دوسرے ٹیسٹ سے باہر ہو گئے۔کرکٹ آسٹریلیا کے مطابق پیٹ کمنز کا کروناٹیسٹ مثبت آنے والے شخص کیساتھ قریبی رابطہ رہا۔ پیٹ کمنز ریسٹورنٹ میں کھانا کھا رہے تھے لیکن انہوں نے بائیو سکیور پروٹوکولز کی خلاف ورزی نہیں کی، وہ فوری طور پر آئسولیشن میں چلے گئے جبکہ ان کا پی سی آر ٹیسٹ منفی آیا ہے۔پیٹ کمنز کو 7 روزآسولیشن میں گزارنا ہوں گے۔سٹیو ن سمتھ آسٹریلوی ٹیم کی قیادت کر رہے ہیں جبکہ پیٹ کمنز کی جگہ مائیکل نیسر کو پلئینگ الیون میں شامل کیا گیا ہے۔آسٹریلیا نے انگلینڈ کے خلاف ایشز سیریز کے دوسرے ٹیسٹ میچ کی پہلی اننگز میں 2وکٹوں  پر 221رنز بنا لئے ہیں ۔ آسٹریلیا نے ٹاس جیت کر بیٹنگ کا فیصلہ کیا ۔ مارکوس ہیرس3اور ڈیوڈ وارنر نروس نائنٹیز کا شکار ہو کر 95رنز بناکر آئوٹ ہوئے ۔ مارنوس لابو شین 95اور کپتان سٹوین سمتھ 18رنز پر کھیل رہے ہیں ۔