لاہور (سٹاف رپورٹر)پنجاب یونیورسٹی شیخ زاید اسلامک سنٹر کے زیر اہتمام طالبات کے مینا بازار کا انعقاد کیا گیا ۔ وائس چانسلر پنجاب یونیورسٹی پروفیسر نیاز احمد نے مینابازار کا دورہ کیا۔ اس موقع پر شیخ زاید اسلامک سنٹر کے ڈائریکٹر ڈاکٹر محمد اعجاز، ڈاکٹر اشتیاق احمد گوندل اور دیگر اساتذہ بھی موجود تھے۔ وائس چانسلر ڈاکٹر نیاز احمد نے مختلف سٹالز کا دورہ کیا اور طالبات کی تخلیقات اور آئیڈیاز کی حوصلہ افزائی کی۔