عوام کو انصاف فراہمی یقینی بنائیں: عمران عباس کی کھلی کچہری

فیروزوالہ (نامہ نگار ) ایس ڈی پی او سرکل فیروزوالہ عمران عباس چدھڑ نے کہا کہ سائلین کی شکایات پر فوری کاروائی عمل میں لائی جائے اور عوام کو انصاف کی فراہمی یقینی بنانے کی بھر پور کوشش کریں۔ ان خیالات کا اظہار تھانہ فیکٹری ایریا میں لگائی جانے والی کھلی کچہری کے موقع پرایس ایچ او فیکٹری ایریا خرم شہزاد ڈوگر اور انسپکٹر انویسٹی گیشن محمد اقبال بھی موجود تھے۔ انہوں نے کہا کہ کھلی کچہریوں کے انعقاد سے خود احتسابی کو بھی یقینی بنایا جا سکے گا۔ سروس ڈلیوری اور شہریوں کے مسائل کا فوری حل اولین ترجیح ہے۔ تمام درخواستوں پر میرٹ پر کارروائی کی جائے۔ انہوں نے تھانے کے حوالات میں بند ملزمان سے ان کی گرفتاری اور مقدمات کے بارے میں دریافت کیا اس موقع پر ایس ایچ او فیکٹری ایریا خرم شہزاد ڈوگر ، انسپکٹر انویسٹی گیشن محمد اقبال اور تفتیشی افسران بھی موجود تھے۔