آسٹریلیا کا پر اعتماد آغاز 2وکٹوں پر 221رنز بنالئے 

ایڈلیڈ(آئی این پی)ایشز سیریز کے دوسرے ٹیسٹ میں میزبان آسٹریلیا نے پر اعتماد آغاز کیا ہے اور پہلی اننگز میں2وکٹوں کے نقصان پر 221رنز بنا لئے ہیں۔اوپنر ڈیوڈ وارنر95رنز بنا کر آئوٹ ہو ئے جبکہ  مارنس لبیشے95اور سٹیو سمتھ18رنز بنا کر ناقابل شکست ہیں۔ایڈلیڈ میں کھیلے جا رہے ایشز سیریز کے دوسرے  ڈے اینڈ نائٹ ٹیسٹ میں آسٹریلیا نے ٹاس جیت کر پہلے بیٹنگ کا فیصلہ کیا۔آسٹریلیا کی جانب سے  ڈیوڈ وارنر اور مارکس ہیرس نے اننگز کا آغاز کیا۔آسٹریلیا کو آغاز میں ہی نقصان اٹھانا پڑا جب  مارکس ہیرس3رنز بنا کر پویلین لوٹ گئے۔نئے آنے والے بلے بازمارنس لبیشے نے ڈیوڈ وارنر کیساتھ ملکر دوسری وکٹ کیلئے172رنز کی پارٹنر شپ قائم کی اور ٹیم کا سکور176رنز تک پہنچا دیا ۔اوپنر ڈیوڈ وارنر95رنز بنا کر آئوٹ ہو ئے۔پہلے دن کا کھیل ختم ہونے تک آسٹریلیا نے2وکٹوں کے نقصان پر 221رنز بنا لئے۔مارنس لبیشے95اور سٹیو سمتھ18رنز بنا کر آئوٹ ہوئے۔انگلینڈ کی جانب سے سٹورٹ براڈ اور بین سٹوکس نے1،1وکٹ حاصل کی۔