کلرسیداں(نامہ نگار)مسلم لیگ ن یوتھ ونگ کلرسٹی کے صدر شیخ حسن سرائیکی نے کہا ہے کہ مسلم لیگ ن ماضی کی طرح آج بھی مقبول جماعت ہے جو آئندہ انتخابات میں پی ٹی آئی کو شکست فاش دے گی ۔انہوں نے ایک بیان میں کہا کہ ماضی میں ہمارے جیتے ہوئے الیکشن کو چرایا نہ جاتا تو آج ملک ترقی کی دوڑ میں بہت آگے نکل گیا ہوتا عمران خان ہونے چار برس کوئی فلاحی منصوبہ شروع نہ کرسکے ریکارڈ قرضے لے کر انہیں عیاشیوں میں صرف کیا گیا جس کی آج پوری قوم خمیازہ بھگت رہی ہے ۔انہوں نے کہا کہ میری گھڑی میری مرضی نہیں چلے گی وہ تحائف عمران خاں کو نہیں وزیراعظم پاکستان کو دیئے گئے تھے مگر عمران خان نے تحفے میں ملنے والی گھڑی فروخت کرکے دوست ملک کے سربراہ کے اعتماد کو ٹھیس پہنچائی ہے۔