بھارت، مظاہرین نے کام نہ کرنے والے سیاستدانوں کو گدھا قرار دے دیا

نئی دہلی (این این آئی)بھارت کی ریاست کرناٹکا میں شہریوں نے سہولتیں نہ ملنے پر احتجاج کیا اور سیاستدانوں کو گدھا قرار دے دیا۔بھارتی میڈیا کے مطابق شہریوں نے احتجاج کے دوران اپنے علاقے میں اچھی سڑکوں اور تعمیراتی کام کا مطالبہ کیا۔رپورٹس کے مطابق سیاستدانوں سے ناراض مظاہرین احتجاج میں ایک گدھے کو بھی لائے جس سے انہوں نے اس طرف اشارہ کیا کہ جو سیاست دان عوامی کام نہیں کرتے یا اپنا کام اچھی طرح نہیں کرتے وہ گدھے کی طرح ہیں۔مظاہرین نے احتجاج کے دوران سڑک بلا ک کی اور طلبہ کی ایک اسکول بس کو بھی روک لیا۔مظاہرین نے علاقے میں کچرے، آوارہ کتوں اور اسٹریٹ لائٹس کے مسائل بھی حل کرنے کا مطالبہ کیا۔
بھارت مطاہرے