اسلام آباد(نا مہ نگار) کامسیٹس آرٹ گیلری میں ''بیمنگ فیوچر سکیپس'' کے عنوان سے ڈیجیٹل آرٹ نمائش منعقد ہوئی۔ نمائش کا انعقاد فاطمہ جناح ویمن یونیورسٹی، راولپنڈی(شعبہ کمپیوٹر آرٹس) اور کامسیٹس یونیورسٹی (کامسیٹس آرٹ گیلری) نے مشترکہ طور پر کیا تھا۔نمائش میں فاطمہ جناح ویمن یونیورسٹی راولپنڈی کے شعبہ کمپیوٹر آرٹس کے باصلاحیت  اور ابھرتے ہوئے آرٹسٹس کے فن پارے رکھے گئے تھے۔ نمائش میں وی آر پروجیکٹس، اینیمیشنز، عکاسی، ڈیجیٹل پینٹنگز اور ٹیکسٹائل آرٹ پرمشتمل فن پارے شامل تھے۔نمائش میں حصہ لینے والے فنکاروں میں ایمن خان تاجک، آمنہ بی بی، آمنہ سید، اقصیٰ ندیم، عرینہ عامر، عروج رضا، ایشا ملک، فاطمہ اظہر، حنا ساجد، کشمالہ قاضی، لائبہ مبشر، مومنہ اقبال، مقدّس ذوالفقار اور دیگر شامل تھے ۔