الخدمت فاؤنڈیشن کے زیراہتمام ایوانِ اقبال میں الخدمت یوتھ گیدرنگ کا انعقاد

لاہور(خصوصی نامہ نگار) الخدمت فاؤنڈیشن پاکستان کے رضاکار پروگرام کے تحت ایوانِ اقبال لاہور میں آٹھویں الخدمت یوتھ گیدرنگ کا انعقادکیا گیا۔ تقریب میں صدر الخدمت فاؤنڈیشن پروفیسر ڈاکٹر حفیظ الرحمن، امیرالعظیم،  سید وقاص جعفری،  ڈاکٹر محمدمشتاق مانگٹ، ائیرمارشل (ر) فاروق حبیب،ذکراللہ مجاہد، سیکرٹری ریسکیو1122ڈاکٹر رضوان نصیر، وائس چانسلر پنجاب یونیورسٹی ڈاکٹر خالد محمود، ، معروف مزاح نگار گل نو خیز اختر، آبی وسائل کے ماہرظفراقبال وٹو، شاہد لون،  شہزاد اسلم، منصور جعفر، محمد منیر الاقدسمیت ملک بھر کی 20 سے زائد جامعات کے 3ہزار سے زائد طلبہ وطالبات سمیت مختلف شعبہ زندگی سے تعلق رکھنے والے افرادکی کثیر تعداد نے شرکت کی۔ آٹھویں الخدمت یوتھ گیدرنگ کا سلوگن ’’دیار عشق میں مقام پیداکر‘‘ تھا۔