لاہور لائنز فیصل آباد وولوز کو ہرا کر قومی ٹی ٹونٹی چیمپئن بن گئی

راولپنڈی (سپورٹس ڈیسک) لاہور لائنز نے فیصل آباد وولوز کو 3 وکٹوں سے شکست دے کر قومی ٹی ٹونٹی ٹورنامنٹ جیت لیا۔ فیصل آباد وولوز نے پہلے کھیلتے  ہوئے 9 وکٹوں کے نقصان پر 130 رنز بنائے۔ فرخ شہزاد ایک، علی وقاص 63، خرم شہزاد 11، کپتان مصباح الحق 27، آصف علی 11، عمران خالد صفر، محمد سلمان صفر، محمد طلحہ صفر، سعید اجمل ایک رنز بناکر آئوٹ ہوئے۔ اعزاز چیمہ، محمد حفیظ اور وہاب ریاض نے دو دو وکٹیں حاصل کیں۔ لاہور لائنز نے ہدف آخری گیند پر  7 وکٹوں پر پورا کرلیا۔ ناصر جمشید 14، احمد شہزاد 16، وہاب ریاض 5، محمد حفیظ 6، عمر صدیق 11 رنز بناکر آئوٹ ہوئے۔ عمر اکمل 14، آصف رضا صفر پر آئوٹ ہوئے۔ سعد نسیم 43 رنز بناکر نمایاں رہے۔ اسد علی نے 3 وکٹیں حاصل کیں۔