کرا چی(آن لائن+نیٹ نیوز)کراچی پولیس کے سپیشل یونٹ نے گزشتہ روز ہمدرد یونیورسٹی کے طلبا کو دہشت گردی سے بچنے کی تربیتی مشق کرائی اس دوران فائرنگ کی آواز سے ایک طالبہ بیہوش ہوگئی، جسے طبی امداد فراہم کردی گئی۔ تفصیلات کے مطابق ان دنوں کراچی کی مختلف جامعات میں پولیس کے سپیشل سکیورٹی یونٹ نے طلبا کو دہشت گردی سے نمٹنے کے لیے خصوصی تربیت دینے کا سلسلہ شروع کیا ہوا ہے۔ منگل کوہمدرد یونیورسٹی کے طلبہ و طالبات کو سپیشل سکیورٹی یونٹ کے جوانوں نے تربیتی مشق کروائی۔ اس دوران فائرنگ کی آواز سے ایک طالبہ بیہوش ہوگئی، ایس ایس یو حکام کا کہنا ہے کہ تعلیمی اداروں پر دہشت گردوں کے حملوں کے پیش نظر طلبا کو تربیت فراہم کرنے کا سلسلہ جاری رہے گا۔