سی ٹی ڈی ذرائع کےمطابق دہشت گردوں کا 12 رکنی گروہ موٹر سائیکلوں پرشرقپورجا رہا تھا  کہ خفیہ اطلاع پرکارروائی کی گئی۔ کارروائی کے دوران دہشتگردوں نے فائرنگ کردی۔ سی ٹی ڈی سے مقابلےمیں سات دہشتگرد ہلاک ہو گئے۔
سی ٹی ڈی ذرائع کا کہنا ہے کہ ہلاک دہشت گردوں کا تعلق کالعدم تحریک طالبان اورلشکرجھنگوی سےہے، ذرائع کےمطابق پانچ دہشت گرد رات کی تاریکی کا فائدہ اٹھاتےہوئےفرارہونےمیں کامیاب ہوگئے۔
سی ٹی ڈی کے مطابق ہلاک دہشت گردوں سے2 کلو دھماکا خیزمواد ،ایک کلاشنکوف،ہینڈگرنیڈ، دو موٹرسائیکل اورایک گاڑی بھی برآمد کی گئی ہے۔پولیس نے فرار دہشتگردوں کو پکڑنے کےلیے علاقے کی ناکہ بندی کر کے سرچ آپریشن شروع کردیا ہے۔پولیس نےمارے جانے والے دہشتگردوں کی لاشیں ڈی ایچ کیو ہسپتال شیخوپورہ منتقل کر دی گئیں ہیں۔