لاہور(سپورٹس رپورٹر+سٹاف رپورٹر) گورنمنٹ کالج یونیورسٹی لاہورکی117ویں سالانہ کھیلوں کا آغاز ہو گیا۔ افتتاحی تقریب میں طلباء نے ملک بھر کے مختلف علاقوں کی ثقافت کے رنگ بکھیرے۔ جی سی یو اوول گرائونڈ میں منعقدہ افتتاحی تقریب کا آغاز لاہور خودکش حملے کے شہداء کے لیے ایک منٹ کی خاموشی سے ہوا۔ اس موقع پر کھلاڑیوں نے اس عزم کا اظہارکیا کہ وہ ملک میں امن، برداشت اور رواداری کے فرو غ کے لیئے اپنا کردار ادا کرتے رہیں گے۔