عرفان صدیقی آج پی این سی اے میں میلہ یاراں کا افتتاح کریں گے

اسلام آباد ( کلچرل رپورٹر) پاکستان نیشنل کونسل آف دی آرٹس اور ثکافت کے زیر اہتمام منعقدہ تین روزہ میلہ یاراں کا آج پی این سی اے میں افتتاح ہو رہا ہے۔ 17 فروری سے 19 فروری تک صبح 10 بجے سے شام 10 بجے تک جاری رہنے والے میلہ یاراں میں ملک کی تمام اکائیوں کے ثقافتی سٹال سج گئے ہیں۔ جہاں پر تمام صوبوں کی ثقافتی اشیاءکی نمائش ہو گی اور ثقافتی پروگرام ، پپٹ شوز ، موسیقی ، سیمینار پیش کئے جائیں گے۔ وزیرِ اعظم کے معاونِ خصوصی/ وزیر مملکت، قومی تاریخ و ادبی ورثہ عرفان صدیقی اورڈائریکٹر جنرل پی این سی اے جمال شاہ 17 فروری کو دن ساڑھے دس بجے میلے کا افتتاح کریں گے۔