چور معروف نیوز کاسٹر عامر ہاشمی کے گھرکا صفایا کر گئے

اسلام آباد (وقائع نگار) تھانہ آبپارہ کے علاقے زرعی ترقیاتی بینک کالونی میں واقع ریڈیو پاکستان کے معروف نیوز کاسٹر عامر ہاشمی کے گھر میں چور صفایا کر گئے عامر ہاشمی نے بتایا کہ میں جمعہ کے روز فیملی کے ہمراہ شادی میں شرکت کیلئے جہلم گیا جہاں مجھے دو بجے دن محلے دار نے اطلاع دی کہ زرعی بینک کالونی سیکٹر جی سیون ٹو میں واقع آپ کے گھر بالکونی کی کھڑکی کھلی ہوئی ہے جس کی اطلاع ہمسائے نے ریسکیو15 کو دی جہاں سے پولیس وہاں پہنچ گئی میرے گھرمیں چور کیبل کی تار سے لٹک کر نیچے آئے اور گھر سے تین لاکھ روپے کی نقدی اور آٹھ لاکھ روپے مالیتی طلائی زیورات چوری کرکے لے گئے آبپارہ پولیس بھی اطلاع ملنے پر پہنچ گئی ۔