پشاور: گلبہار میں سلنڈر دھماکہ بچوں سمیت 4 افراد زخمی

پشاور(صباح نیوز)پشاور کے علاقے گلبہار میں سلنڈر دھماکے کے نتیجے میں بچوں اورخواتین سمیت 4 افراد زخمی ہو گئے ہیں۔ ایدھی کنٹرول روم کے مطابق گلبہار نمبر چار میں کامران نامی شخص کے گھر میں گیس لیکج کے باعث دھماکہ ہوا جس کے نتیجے میں بچوں اورخواتین سمیت چار افراد زخمی ہوئے۔ واقعے کی اطلاع ملتے ہی ایدھی ایمبولینس نے زخمیوں کو لیڈی ریڈنگ ہسپتال منتقل کیا، زخمیوں میں ایک خاتون کی حالت تشویش ناک ہے۔