بٹل (آئی این پی) سکول کے بچے، بچیوں کو تعلیمی ادارے سے واپس لانے کے دوران بھارتی فائرنگ سے شہید ہونے والے بٹل کے گائوں ڈھب سے تعلق رکھنے والے غریب والدین کے چشم و چراغ ڈرائیور سرفراز ذوالفقار کو جمعہ کے روز سپردخاک کردیا گیا۔ نماز جنازہ آبائی گائوں میں ادا کی گئی۔ اس موقع پر رقت آمیز مناظر دیکھنے کو ملے، شہید کی میت کو گارڈ آف آنر پیش کرنے کے بعد سپردخاک کیا گیا۔ حکام اور حکومت آزاد کشمیر کی طرف سے شہید کی قبر پر پھولوں کی چادریں چڑھائی گئیں۔