وزیراعلیٰ عثمان بزدارکی ایسوسی ایشن آف چارٹرڈ سرٹیفائیڈ اکاؤنٹینٹس کے امتحان میں گلوبل انعام جیتنے والی طالبہ زارا نعیم کو مبارکباد

وزیراعلیٰ پنجاب سردار عثمان بزدار نے ایسوسی ایشن آف چارٹرڈ سرٹیفائیڈ اکاؤنٹینٹس(اے سی سی اے) کے امتحان میں گلوبل انعام جیتنے والی لاہور کی طالبہ زارا نعیم کو مبارکباد دی ہے۔ وزیراعلیٰ عثمان بزدار نے کہا کہ زارا نعیم نے اپنی محنت، صلاحیت اور قابلیت سے پاکستان کا نام روشن کیا ہے۔ قوم کو زارا نعیم جیسی ہونہار اور باصلاحیت طالبات پر فخر ہے۔ انہوں نے کہا کہ طالبہ زارا نعیم نے ثابت کیا ہے کہ پاکستانی نوجوان انتہائی ذہین، محنتی اور خداداد صلاحیتوں کے مالک ہیں اور تحریک انصاف کی حکومت زارا نعیم جیسی ہونہار طالبات کی بھرپور حوصلہ افزائی کرتی ہے۔ پاکستان کا نام روشن کرنے والے نوجوان ہمارا سرمایہ ہیں اور تحریک انصاف کی حکومت نے نوجوانوں پر سرمایہ کاری کرکے انہیں بااختیار بنایا ہے۔ وزیراعلیٰ عثمان بزدار نے کہا کہ پاکستان کا مستقبل ہونہار اور باصلاحیت نوجوانوں سے وابستہ ہے۔ طالبہ زارا نعیم کے والدین کو بھی مبارکباد دیتا ہوں .