گوہر عرف گوری تالا توڑگینگ کے2ارکان گرفتار،رقم برآمد

گوجرانوالہ(نمائندہ خصوصی)  انچارج سی آئی اے انسپکٹر گوہر عباس نے اپنی پولیس ٹیم کے ہمراہ چوری کی متعدد وارداتوں میں ملوث گوہر عرف گوری تالا توڑگینگ کے دو ارکان کو گرفتار کر کے دوران تفتیش ان کے قبضہ سے تین لاکھ روپے نقدی برآمد کر لی۔گرفتار کیے گئے ملزمان میں نصیر احمداور پرویز مشرف شامل ہیں۔ ابتدائی تفتیش میں گینگ کے ملزمان نے انکشاف کیا کہ وہ ہائوسنگ سوسائٹیز میں جب مکانوں کو تالا لگا ہوتا ان کو ٹارگٹ کرتے اور رات کو وہاں چوری کرکے فرار ہوجاتے ۔ سی پی او نے ڈی ایس پی سی آئی اے گل نواز، انسپکٹر سی آئی اے اور انکی پولیس ٹیم کے جوانوں کو اعلی کارکردگی کا مظاہرہ کرنے پر شاباش دی ۔