یوٹیلیٹی سٹورز کارپوریشن نے ڈیلی ویجز ملازمین کی تنخواہیں بڑھا دیں 

لاہور(خصوصی رپورٹر) یوٹیلیٹی سٹورز کارپوریشن نے ملک بھر میں ڈیلی ویجز ملازمین کے اعزاز یہ میں اضافہ کا اعلان کر دیا۔ کارپوریشن کے مطابق میٹرک پاس ملازمین کی اجرت 675 سے بڑھا کر 775 روپے، ایف اے، ایف ایس سی، ڈرائیورز کی اجرت 780 سے 890 روپے، بی اے، بی ایس سی کی روزانہ کی اجرت 840 سے 960 روپے جبکہ ایم بی اے، ایم کام کے ملازمین کی اجرت 1080 روپے سے  1240 روپے اور ایم فل اور ایم اے پاس ملازمین کی یومیہ اجرت 1440 روپے سے 1650 روپے کر دی گئی۔ جس کا اطلاق یکم جولائی 2022ء سے ہو گا ۔ دیگر چھوٹے ملازمین کی اجرت میں اضافہ کیا گیا ، جس سے ان کی ماہانہ 20ہزار ہو جائیگی ۔ اجرت میں اضافہ ہونے پر یوٹیلیٹی سٹورز کارپوریشن کے ملازمین خوشی کی لہر دوڑ گئی۔