جسٹس اعجاز الاحسن پنجاب کی انسداد دہشت گردی عدالتوں کے نگران جج مقرر

اسلام آباد (خصوصی رپورٹر) چیف جسٹس عمر عطا بندیال نے جسٹس اعجاز الاحسن کو اہم ذمہ داریاں سونپ دیں۔ جسٹس اعجاز الاحسن کو پنجاب کی انسداد دہشتگردی عدالتوں کا نگران جج مقرر کر دیا گیا۔ جسٹس اعجاز الاحسن سکیورٹی ‘ لائبریری‘ ججز ریسٹ ہاؤس کے انچارج بھی مقرر کئے گئے ہیں۔ جسٹس اعجاز الاحسن گریڈ 17 تک بھرتیوں کے نگران جج مقرر کئے گئے ہیں۔ وہ میڈیکل‘ آئی ٹی‘ محکمانہ سلیکشن کمیٹی کے بھی سربراہ ہوں گے۔