کراچی کنگز کو مسلسل دوسری شکست ‘اسلام آباد یونائٹیڈ 4وکٹوں سے کامیاب

 لاہور(سپورٹس رپورٹر) اسلام آباد یونائٹیڈ نے 174 رنز کاہدف 18.2 اوور میں 6 وکٹوںپرپورا کرلیا۔نیشنل سٹیڈیم کراچی میں ہونیوالے پی ایس ایل 8 کے چوتھے میچ میں کراچی کنگز نے اسلام آباد یونائٹیڈ کی دعوت پر پہلے بیٹنگ کرتے ہوئے 7 وکٹوں پر173 رنز بنائے۔جیمز ونس اور شرجیل خان نے اننگز کا آغاز کیا ۔ پہلے اوور کی آخری گیند پر جیمز ونس رومان رئیس کی گیند پر بولڈ ہوگئے۔شرجیل خان 34رنزبنا کر ٹام کرن کی گیند پر کیچ آئوٹ ہوگئے، حیدر علی 45 گیندوں پر 59 رنز بنا کر فہیم اشرف کی گیند پر کیچ آؤٹ ہوئے۔عماد وسیم پہلی گیند پر ہی محمد وسیم کی گیند پر بولڈ ہوئے جبکہ شعیب ملک اور میتھیوویڈ 18، 18 سکور بنا کر پویلین لوٹے،عرفان خان19 سکور بنا کر آؤٹ ہوگئے۔ اسلام آباد نے ہدف چھ وکٹوںپر پورا کرلیا۔ کولن منرونے 58 ـ‘ اعظم خان نے 44رنز بنائے ۔ محمد عامر اور محمد موسیٰ نے دو دو کھلاڑیوں کو آئوٹ کیا ۔کولن منروں کو میچ کا بہترین کھلاڑی قرار دیا گیا ۔ کراچی کنگز کی ٹیم کو اپنے پہلے میچ میں ناکامی ہوئی تھی۔