لاہور ( نامہ نگار)سٹی ٹریفک پولیس نے خواجہ سراء کا روپ دھار کر بھیک مانگنے والے دو بہروپیے گرفتارکر لئے ہیں۔ سی ٹی او لاہور کے حکم پر عادی گداگروں، بھکاریوں کیخلاف مڈ نائٹ آپریشن کرتے ہوئے نیو کیمپس پل پرخواجہ سراؤں کا روپ دھار کر بھیک مانگنے والے دو بہروپیوں تیمور اور آصف نامی جعلی خواجہ سراؤں کو گرفتار کرلیا ہے۔دونوں ببلی اور تتلی بن کر بھیک مانگ رہے تھے۔ ملزمان کے خلاف مقدمہ درج کرادیا گیا ہے۔