لاہور (خصوصی نامہ نگار)یوم علیؓ کی مناسبت سے یہاں سالانہ پروگرام کا انعقاد کیاگیا۔ یوم علی کی تقریب سے علامہ سید شہنشاہ حسین نقوی اور مذہبی سکالر ڈاکٹر صداقت علی فریدی نے خصوصی خطابات کیے۔منقب خواں زوّار اسد علی بلتستانی ،سید سبطین عباس، سید کمیل عباس زیدی، زوہیر عباس، حاجی خالد نعمانی اور قاری سبط محمد نے مولا علی کی شان میں منقبت پیش کی۔ تقریب سے صدر فدا حسین رانا، سید منیب زیدی اور جنرل سیکرٹری سید ارتضی نے بھی خطاب کیا۔ مقررین نے کہا کہ مولا علیؓ سے محبت اِس لیے لازم ہے کیونکہ نبی کریمؐ نے آپ سے محبت فرمائی۔ آپ کو سب سے زیادہ قریب رکھا اور جو رْتبہ مولا علی کوحاصل تھا وہ تاریخ میں کسی کو بھی حاصل نہیں ہوا۔ تقریب میں تمام شعبہ ہائے زندگی بالخصوص وکلاء برادری نے کثیر تعداد میں شرکت کی اور المصطفیٰ لائرز فورم پاکستان کو اِس سالانہ تقریب کے انعقاد پر مبارکباد دی۔