لاہور (نیوز رپورٹر)منی بجٹ ، پڑولیم قیمتوں میں اضافے پر احمد سلمان بلوچ کی قیادت میں جماعت اسلامی کا  وحدت روڈ پر احتجاج کیا گیا۔ مظاہرین نے حکومت کے خلاف سخت نعرے بازی کی وحدت روڑ پر جماعت اسلامی کے رہنما احمد سلمان بلوچ گدھا گاری پر بیٹھ گئے۔ احمد سلمان بلوچ نے کہا کہ پی ٹی آئی عوام کو سائیکل پر لائی۔ پی ڈی ایم گدھا گاری پر لے آئی ہے۔ ماضی میں عوام عمران خان کو مہنگائی کا کپتان سمجھتے تھے لیکن آج شہباز شریف تو مہنگائی کے کوچ نکلے۔ شہباز شریف اور آئی ایم ایف پارٹنر شپ میں ڈالر اور پٹرول کی ٹرپل سنچری کے چکر میں ہیں۔ پی ڈی ایم حکومت معیشت کے ارسسطو اسحاق ڈار کو لائے جس نے مفتاح کی کسر بھی نکال دی۔ مریم بی بی کہتی رہیں نواز مہنگائی پر پریشان ہیں لیکن اب تووہ بھی بیان نہیں دیتے۔ عوام کو کہنا چاہتا ہوں کہ جس جس کو لائن میں لگ کر ووٹ دیا۔ انھوں نے آپ کو آٹا کی لائن میں لگایا ہے۔ عوام ان آئی ایم ایف کے غلاموں سے جان چھڑائے اور اب سراج الحق کا ساتھ دے۔