لاہور(نیوز رپورٹر)بحریہ ٹائون کراچی 2، سیکٹراے میں16فروری کی خوبصورت شام خوبصورت بحریہ ہومز اور عالیشان بحریہ ہیڈ آفس کی گرئونڈ بریکنگ تقریب کا انعقاد کیا گیا ۔ تقریب کے مہمانِ خصوصی کنٹری ہیڈ بحریہ ٹائون شاہد محمود قریشی کے ہمراہ بحریہ ٹائون کراچی کی مینجمنٹ رئیل سٹیٹ اور میڈیا کی معزز شخصیات نے شرکت کی۔ گرائونڈ بریکنگ کی تقریب کے ساتھ ہی بحریہ ٹائون کراچی 2میں خوبصورت رہائشی منصوبے بحریہ ہومز کی تعمیر کے کام کا بھی آغاز کر دیا گیا ہے۔ 125سکوئر یارڈ والے ان ولازکا کورڈ ایریا 1950اسکوئر فٹ ہے جس میں 3بیڈ رومز اور اٹیچ باتھ، ڈرائنگ روم، پائوڈر روم اور گرائونڈ اور فرسٹ فلور پر فیملی لائونج بھی موجود ہونگے۔ ہر ولا میں کار پارک کی بھی کشادہ جگہ دی گئی ہے۔ مزید سہولت کیلئے سرونٹ روم اور اٹیچ باتھ بھی ڈزائن کا حصہ ہے۔ بحریہ ٹائون کراچی 2 کے سیکٹر اے میں ہی جدید ترین ڈزائن کے حامل بحریہ ہیڈ آفس کی بھی گرائونڈ بریکنگ کی گئی۔ منصوبے کے مطابق ہیڈ آفس کا کل رقبہ 4ایکڑ ہے جبکہ بلڈنگ 23000 سکوئر فٹ پر تعمیر کی جائے گی۔ لوئر گرائونڈ پر 3بینکس، مہمانوں کیلئے کیفے ٹیریا ہوگا، گرائونڈ فلور پر کسٹمرز کیلئے مین ہال، کائونٹرز، سیلز اور اکائونٹ آفسز بنائے جائیں گے۔ وعدے کے مطابق بحریہ ٹائون کراچی 2 کوجدید خطوط پرتعمیر کیا جا رہا ہے تاکہ یہ عوام کی امیدوں سے بڑھ کر ثابت ہو ۔