سسرال میں 15 دن گزارے، پہلی دو راتیں مشکل تھیں: شیخ رشید

 سابق وفاقی وزیر شیخ رشید نے کہا ہے کہ جیل سے ڈرنے والا نہیں ہوں پہلے بھی سات سال جیل کاٹ چکا ہوں۔اپنے ایک بیان میں شیخ رشید احمد کا کہنا تھا کہ جیل میرا سسرال ہے، 15 روز سسرال میں گزار ہیں صرف پہلی دو راتیں اور دو دن مشکل تھے، جیل سے گھبرانے والا نہیں، سیاسی زندگی میں پہلے بھی سات سال جیل میں رہ چکا ہوں، پاکستان کو اللہ کے بعد عدلیہ بچا سکتی ہے۔انہوں نے مزید کہا کہ میرا موبائل فون گھڑی اور دیگر چیزیں واپس کی جائیں ورنہ مقدمہ کرواؤں گا۔