لاہور (کلچرل رپورٹر) ہالی ووڈ کے معروف فلم ڈائریکٹر جیمز کیمرون کی ٹائی ٹینک کے بعد فلم ”اوتار“ نے پوری دنیا میں کامیابی کے نئے ریکارڈ قائم کئے ہیں۔ گذشتہ روز فلم اوتار اردو زبان میں ایبٹ روڈ پر واقع میٹروپول سینما میں نمائش کیلئے پیش کی گئی جوکہ ایک نیا تجربہ تھا۔ فلم نے پہلے دن ہی ہزاروں روپے بزنس کیا۔ شائقین کی کثیر تعداد فلم دیکھنے کیلئے میٹروپول سینما آئی۔ میٹروپول سینما کے منیجر قیصر ثناءاللہ نے کہا کہ مارکیٹ میں اردو اور پنجابی فلمیں دستیاب نہیں، انگریزی فلم اوتار کی کامیابی سے سینما کی رونقیں کسی حد تک بحال ہوئی ہیں۔ اس طرح انگلش فلموں کو اردو زبان میں ڈب کرکے نمائش کی صورت میں ایک نئی مارکیٹ ملی ہے۔