ڈیوس کپ ٹائی کےلئے جاری تربیتی کیمپ کا پہلا مرحلہ 5 دن کےلئے ملتوی

اسلام آباد (اے پی پی) پاکستان ٹینس فیڈریشن کے زیراہتمام ڈیوس کپ ٹائی کےلئے جاری تربیتی کیمپ کا پہلا مرحلہ ماسٹر ٹینس سیریز کی وجہ سے 5 دن کےلئے ملتوی کردیا گیا۔ تربیتی کیمپ کا دوسرا مرحلہ 21 جنوری کو پی ٹی ایف ٹینس کمپلیکس اسلام آباد میں شروع ہوگا۔ کیمپ میں 6 لڑکے تربیت حاصل کر رہے ہیں جن میں عقیل خان، یاسر خان، محمد عابد، جلیل خان، ثناءاللہ اور احمد چوہدری شامل ہیں۔