واشنگٹن (نوائے وقت رپورٹ) آسکر ایوارڈز کے لئے نامزدگیوں کا اعلان کر دیا گیا۔ آسکر ایوارڈ تقریب میں امریکن ہسل اور گریویٹی کا پلڑا بھاری رہا۔ کامیڈی مووی امریکن ہسل اور تھری ڈی  فلم گریویٹی نے 86ویں آسکر کی بیسٹ فلم آف دی ائر بیسٹ ایکٹرس سمیت 10 کیٹگریز میں نامزد ہو کر نمایاں برتری حاصل کر لی۔ تاریخی کہانی ٹویلو ائرز آف سلیو 9  کیٹگریز میں نامزد ہو کر ایوارڈز کی دوڑ میں شامل ہے۔ دیگر اداکاروں کے ساتھ رونالڈوڈی کیپریو، چیوئیل ایجیوفر، بروس ڈیرن، میتھیو میکنافی بھی بہترین ادکار کے لئے نامزد کئے گئے ہیں جب کہ سینڈرا بلک، جوڈی ڈینچ، کیٹ بلاسٹے، میرل سٹریپ، ایمی ایڈمز کے نام بہترین اداکارئوں میں شامل ہیں۔ معاون اداکاروں میں برخاد کابری،  براڈلے لوپر، مائیکل فیس بینڈر، جونا ہل، جارڈ لیئو شامل ہیں۔ معاون بہترین  اداکارائوں میں ہیلی ہاکنز، جولیا رابرٹس، جنیفر لارنس، جونے سکوئیب، لوپیٹا نیونگو شامل ہیں۔ کمپیوٹر پر تخلیق کی گئی اینیمیٹڈ  فلموں میں دی کروڈ، فروزن، ڈیسیائیکیبل، می مے، دی ونڈ رائزر، ائرنسٹ سیلسٹن شامل ہیں۔  بہترین ڈاکومنٹری فلم کے لئے دی ایکٹ آف کلنگ، کیوٹی اینڈ دی باکسر، ڈائی وارز،  20 فٹ فرام سٹارڈم،  دی سکوئیر نامزد ہیں۔ مختصر موضوعاتی ڈاکومنٹری فلم میں کیو ڈگر، فیسنگ فیئر، کرسا ہیزنووالز، دی لیڈی ان نمبرہ، پرزن ٹرمینل، دی لاسٹ ڈیز آف پرائیویٹ جیک ہال نامزدگی کی گئی ہیں۔