کراچی: 13سالہ بچی سے مبینہ اجتماعی زیادتی کا ایک ملزم پکڑا گیا

کراچی (نوائے وقت رپورٹ) کراچی کے علاقے بوٹ بیسن میں 13 سالہ بچی سے مبینہ اجتماعی زیادتی کے ایک ملزم کو گرفتار کرلیا گیا۔ پولیس کے مطابق لڑکی کے والد کی درخواست پر تھانہ بوٹ بیسن میں مقدمہ درج کرلیا گیا۔ دو روپوش ملزموں کی گرفتار ی کیلئے چھاپے مارے جارہے ہیں۔ 13 سالہ بچی کو ایک روز قبل اجتماعی زیادتی کا نشانہ بنایا گیا، جب وہ موبائل فون کا ایزی لوڈ کرانے گئی تھی۔