کراچی (نیوز رپورٹر) الخدمت فریدہ یعقوب اسپتال کی انتظامیہ کی جانب سے طلبہ کیلئے ایک روزہ مفت آئی وڈینٹل کیمپ ــــــ"سدرہ اکبر اکیڈمی"سومار گوٹھ بن قاسم ٹائون میں منعقد کیا گیا۔ڈاکٹرزاوران کی ٹیم نے 259طلبہ وطالبات کا معائنہ کیا اورانہیں تجویز کردہ ادویہ مفت فراہم کیں۔اس موقع پر ڈاکٹرز نے طلبہ وطالبات کو آنکھوں اور دانتو ں کی حفاظت سے متعلق آگہی فراہم کی اورانہیں آنکھوں اور دانتوں کی صحت کے بنیادی اصول بھی بتائے ۔الخدمت فریدہ یعقوب اسپتال بن قاسم کے مختلف علاقوں میں مسلسل مفت طبی کیمپس کا انعقاد کررہا ہے اور امراض کے متعلق معاشرے میں شعور اور آگہی پیدا کرنے کی کوشش کر رہا ہے۔ کیمپس کے انعقاد پر سدرہ اکبر اکیڈمی کی انتظامیہ نے الخدمت سے اظہار تشکر کیا ۔