سخاوت ناز کی فلم ’’گول گپے ‘‘کی شوٹنگ مکمل ہو گئی

لاہور( این این آئی )اداکار سخاوت ناز کی فلم ’’گول گپے ‘‘کی شوٹنگ مکمل ہو گئی اوریہ فلم عید الفطر پر نمائش کیلئے نمائش کے لئے پیش کی جائے گی ۔ بتایا گیا ہے کہ شوٹنگ کا مرحلہ مکمل ہونے کے بعد اس کی ڈبنگ اور ایڈیٹنگ جاری ہے اور اس کے ساتھ اس کا ٹریلر بھی تیار کیا جارہا ہے ۔ سخاوت ناز نے ’’این این آئی ‘‘سے خصوصی گفتگو کرتے ہوئے کہا کہ یہ فلم اپنے موضوع کے اعتبار سے انتہائی دلچسپ فلم ہو گی جو دیکھنے والوں کو اپنی جانب راغب کر لے گی اور مجھے یقین ہے کہ میرے پرستار فلم دیکھنے ضرور سینما گھر آئیں گے۔ انہوں نے کہا کہ اب دوبارہ سے فلموں کا دور واپس آرہا ہے اور فلم انڈسٹری سے وابستہ ہر شخص اپنا کردا ر ادا کرنا چاہتا ہے۔