بلوچستان میں بارشوں اور برف باری کا امکان ہے۔ مقامی حکومت اور متعلقہ حکام کو الرٹ رہنے کی ہدايت جاری کردی گئی ہے۔ کوئٹہ سمیت بلوچستان میں موسم بھی شدیدسرد ہے۔کوئٹہ کا درجہ حرارت منفی 8 تک گرگیا ہے۔

محکمہ موسمیات کے مطابق بلوچستان میں سردی کی شدت بدستور برقرار ہے۔ کوئٹہ میں کم سے کم درجہ حرارت منفی 8 ، قلات منفی 6، دالبندین منفی 4، پنجگور، نوکنڈی اور ژوب میں منفی 2 ڈگری سینٹی گریڈ ریکارڈ کیا گیا ہے۔ سردی کے سبب شہریوں کے معمولات زندگی معطل ہوکررہ گئے ہیں۔

شہریوں کا کہنا ہے کہ گیس اور بجلی کی لوڈشیڈنگ نے روزمرہ زندگی کو مزید مشکل بنا دیا ہے۔ محکمہ موسمیات نے شدید سردی کا سلسلہ مزید 2 سے 3 روز تک برقرار رہنے کی پیش گوئی کی ہے۔

ادھر پنجاب اور سندھ میں دھند بھی چھٹنے کا نام نہيں لے رہی۔ آج بروز جمعہ پنجاب کے کئی شہروں میں بارش کی پیشگوئی کی گئی ہے۔