آگ لگنے سے شیرا کوٹ میں 75 سالہ  خاتون‘ قصور 90 سالہ بزرگ زندہ جل گئے 

لاہور‘ قصور (نمائندہ خصوصی+ نمائندہ نوائے وقت) شیراکوٹ گھر میںآتشزدگی کے نتیجے میں 75سالہ خاتون جاں بحق ہو گئی۔ خاتون نے سردی سے بچنے کے لئے چارپائی کے نیچے آگ جلا کر رکھی تھی۔ اس دوران رضائی کے کپڑے میں آگ لگ گئی جس نے دیکھتے ہی دیکھتے خاتون کو بھی اپنی لپیٹ میں لے لیا۔ جس کے نتیجے میں موقع پر جاں بحق ہوگئی۔ پولیس کے مطابق75 سالہ بزرگ خاتون اکیلی کمرے میں رہتی تھیں۔ کھارا گائوں میں سردی سے بچنے کیلئے جلائی گئی آگ کی زد میں 90 سالہ شخص زندہ جل گیا۔ جمعے خان نامی بزرگ رات کے وقت سردی لگنے لگی تو ان کے گھر والوں نے  آگ جلائی اور اس کی چار پائی کے نیچے رکھ دی جس سے آگ لگ گئی  اور جمعے خان زندہ جل گیا۔