پروٹیز سپنر تبریز شمسی کا پاکستان میں سکیورٹی انتظامات پر اظہار اطمینان

لاہور (نمائندہ سپورٹس) پروٹیز ٹیم کے سپنر تبریز شمسی نے پاکستان میں سکیورٹی انتظامات پر اطمینان کا اظہار کیا ہے۔جنوبی افریقی کرکٹ ٹیم پاکستان کیساتھ ٹیسٹ میچ کھیلنے کراچی پہنچ چکی ہے، پروٹیز کو سخت سکیورٹی حصار میں ایئرپورٹ سے ہوٹل روانہ کیا گیا، ایئرپورٹ سے ہوٹل روانگی کے دوران سکیورٹی فورسز کا ہیلی کاپٹر محو پرواز رہا جبکہ کراچی کی مصروف شاہراہ’’شاہراہ فیصل ’’ پر پولیس، رینجرز اور ایس ایس یو کے کمانڈوز بھی تعینات رہے۔جنوبی افریقی کے سکواڈ میں شامل سپنر تبریز شمسی حکومت پاکستان کی جانب سے ٹیم کو دی جانے والی سکیورٹی کے معترف ہوگئے ہیں۔